ЦХИНВАЛ, 18 сен — Sputnik. Уæрæсейы хицауад æркæсдзæн Цæгат Ирыстоны ахуырадон организациты ног бынæттæ саразынæн фæрæзтæ рахицæн кæныны фарстмæ, хъусын кæны РИА Новости уæрæсейаг министрты кабинеты информацийыл æнцойгæнгæйæ.
Ведомствæ куы бамбарын кодта, афтæмæй скъолатæ рауæрæхдæр кæндзысты Цæгат Ирыстон, Дагестан, Мæхъæл, Цæцæн æмæ Ставрополы крайы.
Скъолатæ рауæрæх кæнынæн фæрæзтæ рахицæн кæныны фарстмæ УФ-йы хицауад æркæсдзæн къуырисæры.
"Хицауады бардзырды проектмæ гæсгæ фæнд кæнынц рахицæн кæнын 3693,6 милуан сомы Цæгат Ирыстон, Дагестан, Мæхъæл, Цæцæн æмæ Ставрополы крайы ахуырадон организациты ног бынæттæ саразынæн", — дзырдæуы хъусинаджы.
