Гаглойты Дзерассæ Дзæуджыхъæуы равдыста Цхинвалæн нывонд куыст

© Sputnik / Фото: Сергей КатранРавдыст "Мидæггагон манифест"
Равдыст Мидæггагон манифест - Sputnik Хуссар Ирыстон
Хуссарирыстойнаг нывгæнæг Гаглойты Дзерассæ равдыст "Мидæггагон манифест"-мæ Дзæуджыхъæуы рахаста йæ ног куыст, кæцы у нывонд Цхинвалæн

ЦХИНВАЛ, 18 сен — Sputnik, Къæбысты Анна. Хуссарирыстойнаг нывгæнæг Гаглойты Дзерассæ рахаста аивадуарзджыты размæ равдыст "Мидæггагон манифест"-мæ Дзæуджыхъæуы йæ ног куыст.

Аланика - Sputnik Хуссар Ирыстон
"Аланика"-йы коллекци — нырыккон аивады хӕзна

Цæгат Ирыстоны столицæйы 16 сентябры равдыст "Мидæггагон манифест"-æй æрбайгом XI æхсæнадæмон аивадон симпозиум "Аланика".

Иуæндæс нывгæнæджы Цæгат Кавказы æндæр æмæ æндæр регионтæй алыгъуызон техникæтæ æмæ жанрты равдыстой сæ хъуыдытæ æмæ принциптæ манифесты хуызы.

Йæ ног куыст "Трактор – Сæндзидæны символ. Цхинвалæн нывонд" равдыста хуссарирыстойнаг нывгæнæг Гаглойты Дзерассæ.

"Ныры онг мын нæ уыд мæ горæтæн нывонд куыстытæ, уымæн æмæ мæ хъуыдымæ цыдысты æрмæстдæр хæсты тар фæлгонцтæ… Фæлæ ма дзы фæстаг хатт куы уыдтæн, уæд алырдыгæй дæр мæ цæстыты раз уыдысты трактортæ, сты тынг бирæ, уыдон æххуыс кæнынц хæдзæрттæ ææмæ фæндæгтæ аразынæн… Иудадзыг сын сæ къамтæ истон. Ӕмæ мæ рфæндыд мæ хъуыды тракторты фæрцы равдисын… Нæ мæ фæндыд аразын хуымæтæг фон, уымæн æмæ трактор уæд уыдаид хуымæтæг трактор, ахæм фонимæ та у хъайтары хуызæн. Ноджы ма маргъ Феникс, куыд зонæм, афтæмæй у, сæндидзæны символ", — радзырдта Дзерассæ Sputnik уацхæссæгæн.

Симпозиум "Аланика"-йы куратор Катя Бочавар радзырдта, ацы аз симпозиумæн кæй ис хъæзныг программæ, йæ спецификæ ис уый мидæг, æмæ æрхонгæ нывгæнджытæ, музыканттæ, кафджытæ араздзысты сæ уацмыстæ Кавказы цæрджытимæ иумæ, кæцытæ уый фæрцы райсдзысты ног зонындзинæдтæ æмæ тæлмæнтæ.

© Sputnik / Анна КабисоваРавдыст "Мидæггагон манифест"
Равдыст Мидæггагон манифест - Sputnik Хуссар Ирыстон
1/3
Равдыст "Мидæггагон манифест"
© Sputnik / Фото: Сергей КатранРавдыст "Мидæггагон манифест"
Равдыст Мидæггагон манифест - Sputnik Хуссар Ирыстон
2/3
Равдыст "Мидæггагон манифест"
© Sputnik / Анна КабисоваРавдыст "Мидæггагон манифест"
Равдыст Мидæггагон манифест - Sputnik Хуссар Ирыстон
3/3
Равдыст "Мидæггагон манифест"
1/3
Равдыст "Мидæггагон манифест"
2/3
Равдыст "Мидæггагон манифест"
3/3
Равдыст "Мидæггагон манифест"

Симпозиумы программæ "Кавказы хицау у!" номимæ арæзт цæуы горæттаг локациты алыварс. Инсталляцитæ фæзындзысты цæгатирыстойнаг столицæйы бирæ бынæтты: музейты, фæзуæтты æмæ трамвайты.

"Проекттæ агайдзысты горæты картæйыл ахсджиагдæр объекттæ – адæмы уарзон бынæттæ", — нысан кæнынц организатортæ.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала