ЦХИНВАЛ, 19 сен — Sputnik, Козаты Диана. Хуссар Ирыстоны президенттæм экс-кандидат Гаглойты Алан аразы политикон парти "Алайнаг цæдис", загъта Sputnik Гаглойты Аланы фарсхæцджытæй иу.
Паддзахадон æдасдзинады комитеты раздæры кусæг Гаглойты Алан 2017 азы иста хайад президентон дугъты. Ӕвзæрстыты фæстиуджытæм гæсгæ, уый райста æвзарджыты хъæлæстæй дæс процентæй чысыл фылдæр.
"Политикон партийы регистрацийæн документтæ ныридæгæн лæвæрд æрцыдысты юстицийы министрадмæ, иу мæйы фæстæ уагъд æрцæудзæн бындурæвæрæн съезд", — загъта агентады дзырдæмбал.
Ӕдæппæт Хуссар Ирыстоны регистрацигонд сты 14 политикон партийы, уыдонæй цыппар æвдыст сты парламенты.
