ЦХИНВАЛ, 20 сен — Sputnik. Хуссар Ирыстоны президент Бибылты Анатолий радта "паддзахадоны" статус адæмон инструментты оркестр "Айзæлд"-æн.
Бардзырд бакастæуыд республикæйы Паддзахадон тырысайы бонæн нывонд сфæлдыстадон коллективы бæрæгбонон концерты, хъусын кæны президент æмæ хицауады пресс-службæ.
"Президенты фæндоныл тынг цингæйæ сæмбæлдысты "Айзæлд"-ы, куыд йæ дирижер Уалыты Нина, афтæ ма "Айзæлды" табугæнджытæ", — дзырдæуы хъусинаджы.
Оркестрæн бæрзонд статус лæвæрд æрцыд "националон культурæйы бахъахъхъæд æмæ райрæзтмæ хайбавæрд бахæссыны, ирон адæмы монон сæндидзæн æмæ аивады къабазы бæрзонд æнтыстыты тыххæй".
