"BEKOEV" райста дыккаг бынат æвзонг дизайнерты æхсæнадæмон конкурсы

© Sputnik / Наталья АйриянБекъойты Хох
Бекъойты Хох - Sputnik Хуссар Ирыстон
Бафыссын
Yandex newsTelegram
Бынæттонтæн сæ зæрдæтæ цы коллекци "Наваждение"-йæ балхæдта, уымæн саккаг кодтой конкурсы дыккаг бынат номинаци "Профи"-йы

ЦХИНВАЛ, 25 сен — Sputnik, Плиты Фатимæ. Хуссарирыстойнаг æвзонг модельер Бекъойты Хохы дарæсы коллекци "Наваждение" ссис Ӕвзонг дизайнерты æмæ модельерты XIV-æм æхсæнадæмон конкурс "Подиум-2017"-ы призер. Цхинвайлаг мастер райста дыккаг бынат номинаци "Профи"-йы.

Бренд BEKOEV - Sputnik Хуссар Ирыстон
"BEKOEV" райста йæ фыццаг хорзæх

Ацы конкурс ссис цыппæрæм равдыст курдиатджын дизайнер Бекъойты Хохы карьерæйы. Нырмæ уый йæ коллекци "Наваждение" равдыста Цхинвалы æмæ Дзæуджыхъæуы, уымæй дарддæр ма архайдта модæйы къуырийы "Krasnodar fashion week"-йы.

"Конкурсы домæнмæ гæсгæ номинаци "Профи"-йы равдисæн уыд 15 look-ы. Дыккаг бынат дæр мæнæн уыд æхсызгон æнæнхъæлгæдзинад, уымæн æмæ равдысты уыд тынг бирæ архайджытæ, цымыдисон коллекцитæ æмæ карз профессионалон жюри. Хорзæхтæй дарддæр ахæм конкурсты архайгæйæ исын фæлтæрддзинад, размæ цæуын", — загъта Sputnik Бекъойты Хох.

Хох Бекоев - Sputnik Хуссар Ирыстон
Бренд "BEKOEV" рахызт подиуммæ

Дарæсы коллекци "Наваждение"-йы ис 50 look-ы. Фылдæр бæрцæй конд у сау-урс хуызтæй. Дизайнер ма банысан кодта, йе 'нтыстæй кæй не сбуц ис, фæлæ дарддæр кусы ног коллекцийыл.

Ӕвзонг дизайнерты æмæ модельерты XIV-æм æхсæнадæмон конкурс "Подиум-2017" цыд сентябры уæрæсейаг горæт Геленджикы. Мадзалы архайдтой 60 коллекцийы бæрц. Æвзонг дизайнертæ æрæмбырд сты 20 регионæй: Цæгат Ирыстон-Алани, Воронеж, Ростов-на-Дону, Кострома, Мæскуы, Нижний Новгород, Майкоп, Нальчик, Тамбов, Елец, Новосибирск, Екатеринбург, Ставрополь, Пятигорск, афтæ ма Луганск æмæ Хуссар Ирыстонæй дæр.

Ног хабӕртты лентӕ
0