ЦХИНВАЛ, 25 сен — Sputnik. Гергиты Валерийы номыл аивæдты колледжы ахуыргæнинæгтæ æмæ ахуыргæнджытимæ конференцийы рæстæджы Уæрæсейы сгуыхт дирижер Гергиты Валерий радзырдта йæ нывæзты тыххæй — уый ауадздзæн Дзæуджыхъæуы паддзахадон филармонийы 50 сезонон концертæй фылдæр сывæллæттæн, хъусын кæны мыхуыры фæрæз "Слово".
"Мах ратдзыстæм 50 концертæй фылдæр сывæллæттæн сезоны мидæг. Мæ хæс алкæй раз дæр у саразын ацы 50 акци, ныфс мæ ис æмæ фылдæр дæр. Ардæм æрцæудзысты адæм, кæцытæ зонынц, цы хуыздæр радтой сывæллæттæн сценæйыл. Ууыл кусынц республикæйы хицауад дæр æмæ мах дæр Петербург æмæ Мæскуыйæ. Ардæм æрцæудзысты специалисттæ", — банысан кодта Гергиты Валерий.
Маэстро ма равдыста ныфс, фыццаг æхсæнадæмон кавказаг фестиваль "Мариинаг — Дзæуджыхъæу"-ы фæстæ музыканттæ кæй райдайдзысты цæуын Дзæуджыхъæумæ арæхдæр, фæсивæд та баххуыс кæндзæн ракæнын республикæ ног культурон æмвæзадмæ.
"Фестиваль бахахх кæндзæн Петербургаг-Мариинаг театры ног бастдзинад филиалимæ Дзæуджыхъæуы", — бафтыдта дирижер.
Конференцийы фæстæ Гергиты Валерийæн зæрдылдарынæн балæвар кодтой йæ портрет, ССРЦ-ы адæмон артист, зындгонд альтист Юрий Башметæн та – аивæдты колледж каст фæуыны тыххæй аттестат, кæцы бафыста маэстро.
