ЦХИНВАЛ, 26 сен — Sputnik. Хуссар Ирыстоны МХМ-ы кусджытæ байстой пистолет фæсарæйнаг машинæйы шофырæй, хъусын кæны ведомствæйы пресс-службæ.
"Рейдон мадзæлттæ уадзыны рæстæджы, Дзауы районы мидхъуыддæгты управленийы кусджытæ РХИ МХМ ОМОНЫ кусджытимæ иумæ, Зар-Къуайсайы алвæндагыл урæд æрцыд автомашинæ "Toyota Prado", кæцы скъæрдта Цхинвалы районы Чирцъинайы хъæуы 42-аздзыд цæрæг", — дзырдæуы хъусинаджы.
Автомашинæ басгæрсты рæстæджы, ссардæуыд æмæ байст æрцыд травматикон пистолет.
Хæцæнгарз æнæзакъононæй химæ дарыны хъуыддаджы фæдыл цæуы равзæрст.
