ЦХИНВАЛ, 27 сен – Sputnik, Козаты Диана. Хуссар Ирыстоны хицауад сфидар кодта сæйраг социалон-демографион къордтæм гæсгæ иу адæймаджы фæцæрыны минимум. Суагъæ мыхуыр æрцыд хицауады сайтыл.
2017 азы дыккаг кварталы фæцæрыны минимум иу адæймагæн лæууы 10 034, 30 сомы. Куыстхъом адæмæн — 10 843,82 сомы, пенсиисджытæн — 8 176,16, сабитæн— 10 830,28.
Ивгъуыд азы кæронæй ацы суммæ фæфылдæр иу мин сомы бæрц. Уæд фæцæрыны минимум уыд 9 923 сомы, пенсиисджытæн — 7 567 æмæ 9 865 сомы сабитæн.
Президент Бибылты Анатолий йе 'взæрстагъоммæ интервьютæй иуы банысан кодта, зæгъгæ, "афтæ хъæуы саразын, цæмæй куыстмызд ма уа фæцæрыны минимумæй æмæ куыстмызды минималон бæрцæй къаддæр. Мæн фидарæй уырны, ацы фарстæн алыггæн ис".
