ЦХИНВАЛ, 28 сен — Sputnik. Дзæуджыхъæуы Зонадон библиотекӕйы ацыд наукон-фантастикон киноныв "Зачем Новому федеративному альянсу нужен старый военный робот?"-ы пресс-равдыст. Фильм ӕвдыст ӕрцӕудзӕн дыууӕ ӕхсӕнадӕмон фестивалы АИШ ӕмӕ Францы, хъусын кӕны ПТРК "Алания".
Ахæм жанры республикæйы киноныв нырмӕ ничи систа. Сæйраг хъайтартæ сты дыууæ æрыгон адæймаджы. Бантыст сын стыр фыдбылызы фæстæ аирвæзын. Фæлæ зæххыл цард нал и. Кинонывы сæйраг хъайтарты нысан у зæронд æфсæддон робот ссарын, цæмæй ма зæххы цъарыл цы баззад, уый аирвæзын кæной, уый тыххæй.
Кино сæхи фæрæзтæй систой режиссертæ Артур Омаров æмæ йæ бинойнаг Елизаветæ Чухарова. Кинолентæйы автор Артур Омаров куыд радзырдта, афтæмæй йæм наукон-фантастикон киноныв сисыны фæнд фæзынд афæдз æмæ рдæджы размæ.
"Ме ‘мкъайимӕ нын ацы ныв у цыппӕрӕм иумӕйаг куыст. Процессы архайджытæ се ‘ппæт дæр профессионалон кусджытæ не сты. Фильм истам завод "Электроцинчы" хауæццæгтæ æмбырдгæнæн бынаты", — загъта Омаров.
Кинонывы премьерæ уыдзæн 1-æм октябры, Калифорнийы алы жанрты фестивалы. Уый фæстæ та наукон-фантастикон куыст равдисдзысты французаг аивадуарзджытæн Парижы.
