ЦХИНВАЛ, 29 сен — Sputnik. Дзюдойæ ирон скъолайы хъомылгæнинæгтæ рамбылдтой 5 майданы Хусейн Исаевы номарæн æппæтуæрæсейон ерысты, кæцытæ уагъд цыдысты Грозныйы, хъусын кæны портал Оssetia.news.
Ӕндæр æмæ æндæр бæстæты æмбырдгонды сконды архайгæйæ, ирон спортсменты къухты бафтыд 2 сыгъзæрин æмæ 3 бронзæ майданы.
Уæлдæр хорзæхтæ сæхи уæзы категориты рамбылдтой Станислав Семенов, кæцы тох кодта Уæрæсейæн æмæ Бестауты Отар, кæцы хъахъхъæдта Киргизийы спортивон кад.
Уæрæсейы æмбырдгонды турниры бронзæйон призертæ ссисты Къалаты Алим æмæ Годжысаты Василий. Афтæ ма бронзæ райста Фердинад Карапетян Сомихстоны спортивон кад хъахъхъæнгæйæ.
Ерысты хайад райстой 203 спортсмены дунейы аст бæстæйæ, уый нымæцы Уæрæсейæ. Спортсменты ′хсæн уыдысты олимпиаг хъæзтыты хайадисджытæ, континенталон æмæм дунейон турнирты уæлахиздзаутæ.
