ЦХИНВАЛ, 2 окт — Sputnik. Хуссар Ирыстоны хицауады сæрдар Пухаты Эрик газеттæ "Хурзæрин", "Южная Осетия" æмæ информацион агентад "Рес"-æн базонгæ кодта сæ ног сæйраг редакторты, стæй ма информаци æмæ мыхуыры комитеты сæрдары хæдивæг Плиты Михаилы дæр.
Информацион ресурсты редактортæ ссисты фæлтæрд журналисттæ сæхæдæг.
ИА "Рес"-ы ног сæйраг редактор Уазæгты Юрий раргом кодта йæ нывæзт агентады куыст фæхуыздæр кæныны фæдыл.
"Традицитæ хъахъхъæнгæйæ, фæнд кæнын куысты ног формæтæ саразын. Бахъæудзæн техникон æххуыс комитетæй, ис фæнд саразын сайты ирон верси латиницæйыл. Ис ма мадзæлтты комплекс, кæцытæ здæхт уыдзысты куыст фæхуыздæр кæнынмæ", — загъта Уазæгты Юрий.
Банысан æрцыд, газет "Южная Осетия"-йы сæйраг редактор йе ʻснысаны агъоммæ 15 азы бæрц кæй фæкуыста газеты æмæ хорз кæй зоны куыст. Уый цыбыртæй банысан кодта, кæй йæм ис "тых æмæ фæнд газет фæхуыздæр кæныныл бакусынæн".
Биазырты Роланд дæр куыста ирон газет "Хурзæрин"-ы 25 азы бæрц. Уый банысан кодта, кæй архайдзæн рафыст фæфылдæр кæныныл.
Информаци æмæ мыхуыры комитеты сæрдарæн бавдыстой йæ ног хæдивæг Плиты Михаилы, кæцы нырмæ разамынад дæтта президенты администрацийы аналитикон хайадæн.
