ЦХИНВАЛ, 6 окт — Sputnik. Дыууæ ирон богалы райсдзысты хайад æхсæнадæмон турниры "Мемориал Ахмата Кадырова" Грознæйы, хъусын кæны Уæрæсейы спортивон хъæбысхæсты федерацийы пресс-службæ. Ерыстæ ацæудзысты сабаты, 7 октябры командон форматы – "сис –сисыл".
Уæрæсейы æмбырдгонды сконды гауызмæ рахиздзысты юниорты æхсæн дунейы архайгæ чемпион Байаты Давид. Уый стох кæндзæн 70 кг уæзы категорийы. Ноджы ма иу ирон богал Цæболты Хетæг турниры хъахъхъæндзæн клуб "Ахмат"-ы спортивон кад. Уый фембæлдзæн ныхмæлæуджытимæ 74 кг уæзы категорийы.
Ӕдæппæт турниры райсдзысты хайад аст командæйы: Узбекистан, Кыргызтан, Казахстан, Турк, Беларусь, Европæ, Уæрæсейы æмбырдгондтæ, афтæ ма клуб "Ахмат"-ы минæвæрттæ.
Турниры ма Уæрæсейы æмбырдгонды сконды хъуамæ райстаид хайад дунейы чемпионаты призер Уалыты Владислав дæр, фæлæ райсгæ травмæты фæстиуæгæн æй тренертæ баивтой.
