Хуссар Иры МСНК-ы кусджытæ равдыстой, кæй сын нæй æмбал Калашниковæй æхсынæй

© Sputnik / Михаил ХаситыХст
Хст - Sputnik Хуссар Ирыстон
Бафыссын
Yandex newsTelegram
Ӕхст æххæст кодтой æртæ уавæры – лæугæйæ, уæрагæй æмæ 300 метры дæрддзæф хуысгæйæ

ЦХИНВАЛ, 10 окт — Sputnik, Козаты Диана. Хуссар Ирыстоны МХМ-ы сæрмагонд нысаниуæджы къорды (МСНК) командæ бацахста фыццаг бынат Калашниковы автоматæй æхсынæй ерысты, дæлхайады кусджытæ ссисты иууыл хуыздæртæ хисæрмагонд бахыгъды, фехъусын кодтой МХМ-ы пресс-службæйы. 

Чемпионаты хайад райстой МХМ-ы 13 дæлхайады. Нысæнттæ хъуыд сцæф кæнын 100, 200 æмæ 300 метрæй, æхст æххæст цыд æртæ уавæрæй: лæугæйæ, уæрагæй æмæ хуысгæйæ.

"Ерысты фæстиуджытæм гæсгæ, фыццаг бынатмæ рахызт МСНК-ы командæ, дыккаг бынат бацахста милицийы сæрмагонд нысаниуæджы къорд æмæ æртыккаг бынат та бафтыд Цхинвалы мидхъуыддæгты управленийы командæйы къухты", — загътой пресс-службæйы.

Равдыстон æфсæддон ахуыртæ - Sputnik Хуссар Ирыстон
Хуссар Ирыстоны æфсæддонтæ равдыстой хæцыны цæттæдзинад

МСНК-ы кусджытæ бацахстой призон бынæттæ иууылдæр хисæрмагонд бахыгъды дæр: хуыздæр æхсæгыл нымад æрцыд Тыджыты Сослан, дыккаг бынат лæвæрд æрцыд Гуыбаты Аланæн, æртыккаг та – Тедеты Тамазæн.

Мидхъуыддæгты министр Наниты Игорь раарфæ кодта ерысты хайадисджытæн æмæ банысан кодта, ахæм ерыстæ кæй сты ахъаз алы кусæджы æфсæддон цæттæдзинад æмæ профессионалон æууæлттæ фæбæрзонддæр кæнынæн. Уый радта уæлахиздзаутæн кубоктæ, грамотæтæ, æхцайы премитæ æмæ призтæ.

Калашниковы автоматæй æхсыны фæдыл ерыстæ уагъд цæуынц æрвылаз. Сæ сæйраг нысан у спорты хуызты популяризаци æмæ кусджыты æхсыны ахуырад фæбæрзонддæр кæнын.

Ног хабӕртты лентӕ
0