ЦХИНВАЛ, 10 окт — Sputnik, Козаты Диана. Хуссар Ирыстоны Уæлвæткон уавæрты министр Тадтаты Алан æвзæрст æрцыд Хуссар Ирыстоны егъаудæр политикон парти "Иугонд Ирыстон"-ы лидерæй.
Цхинвалы дыццæджы уагъд цæуы партийы æнæрадон съезд. Ног сæрдар равзарынæй дарддæр ма, делегаттæ сæвзардзысты централон комитеты ног сконд æмæ æркæсдзысты уагæвæрдмæ барастгæнинæгтæм.
Тадтаты Аланы равзарыны тыххæй 300 делегатæй схъæлæс кодтой 272. Уый лæудзæн партийы сæргъ æввахс æртæ азы дæргъы.
Партийы раздæры раздзог Бибылты Анатолий Хуссар Ирыстоны Конституцийы домæнмæ гæсгæ президентæй равзæрсты фæст ссæрибар кодта ацы баныт æмæ рахызт "Иугонд Ирыстон"-ы уæнгтæй.
