Хуссар Ирыстоны хицауад сентябры баххуыс кодта 100-йæ фылдæр æмбæстагæн

© Sputnik / Алексей КовалевХуссар Ирыстоны хицауад
Хуссар Ирыстоны хицауад - Sputnik Хуссар Ирыстон
Бафыссын
Yandex newsTelegram
Ӕрвылмæй æнæниздзинад хъахъхъæнынады министрад æрбавдисы хицауадмæ информаци, кæмæн æмæ цы суммæйыл бакондæуыд паддзахадон æххуыс

ЦХИНВАЛ, 13 окт — Sputnik. Хуссар Ирыстоны æнæниздзинад хъахъхъæнынад æмæ социалон райрæзты министрад дарддæр дæр кæны материалон æххуыс рсепубликæйы æмбæстæгтæн, кæцытæ сты уæззау цардуагон уавæры, хъусын кæны хицауады пресс-службæ.

Уæрæсейаг æхца - Sputnik Хуссар Ирыстон
Хуссар Иры хицауад сфидар кодта фæцæрыны минимум

Ӕрвылмæй æнæниздзинад хъахъхъæнынады министрад æрбавдисы хицауадмæ информаци, кæмæн æмæ цы суммæйыл бакондæуыд паддзахадон æххуыс. Ацы аз сентябры бæрæггæнæнтæм гæсгæ, адресон материалон æххуыс бакондæуыд 111 æмбæстагæн 1милуан 235 мин сомы бæрц.

"Уыдонæй I æмæ II группæты 6 инвалиды (75 000 сомы); чысылæй фæстæмæ 16 инвалиды (160 000 сомы); 47 бирæсывæллонджын бинонтæ (540 000 сомы); фæмардуæвджыты 18 бинонтæ (180 000 сомы); 10 æххуысхъуаг бинонтæ (100 000 сомы); 10 сидзæры (100 000 сомы); 2 æмбæстаджы райстой иурæстæгон материалон æххуыс æнæниздзинады фæдыл (40 000 сомы); 2 адæймаджы — ритуалон хæрдзты тыххæй (40 000 сомы)", — дзырдæуы хицауады хъусинаджы.

Ног хабӕртты лентӕ
0