ЦХИНВАЛ, 23 окт — Sputnik. Цхинвайлаг байкертæ æрæмбырд сты, цæмæй банысан кæной боксæй дунейы чемпион Гасситы Мурæты уæлахиз. Мотозгъорды хайад райстой фараст байкеры, кæцытæ æрзылдысты æнæхъæн горæтыл.
"Не ′мзæххоны цытæн мах сфæнд кодтам мотозгъорд акæнын. Нæ хъуыдымæ гæсгæ, уымæй мах равдисдзыстæм, куыд сæрыстыр æмæ сæрбæрзонд сты республикæйы цæрджытæ не ′фсымæрæй, кæцы айхъуысын кодта Ирыстоны ном йæ нæргæ уæлахизæй", — загъта байкерон клубы сæргълæууæг Лæууойты Сева.
Мотозгъорды ма хайад райста Хуссар Ирыстоны президент Бибылты Анатолий.
Боксæй дунейы чемпион Гасситы Мурæт Кшиштоф Влодарчикимæ тохы бахъахъхъæдта йæ чемпионаг титул, ныхмæлæууæджы нокауты арвитгæйæ.
Байкерон клубы сæргълæууæг Лæууойты Сева
© Sputnik / Диана Валиева
