ЦХИНВАЛ, 24 окт — Sputnik, Босыкты Наталья. Хъырымаг нæзы, æвзистгъуыз наз, уардитæ, туя æмæ тыртыйы талатæй æхсæз минæй фылдæр ныссаддзысты хуссарирыстойнаг столицæйы сæйраг фæзуатыл, драмтеатры территорийыл.
Территорийы хæрзарæзтадыл кусы нардуатон организаци "Эверест".
Ныр цыппæрæм бон театры территорийыл талатæ садзыныл кусынц 30 адæймаджы. Зайæгойты кæцыдæр хуызтæ сагъд цæуынц проектмæ гæсгæ, кæцы æрæмдзых æрцыд Хуссар Ирыстоны арæзтады министрадимæ.
"Нæзытæ, назтæ, туятæ æмæ тыртыйæ дарддæр мах ныссаддзыстæм æхсæлы. Уымæй дарддæр ма балхæндзыстæм бандæттæ, кæцытæ сæвæрдзыстæм театры бæстыхайы периметрыл. Уæлæмхасæй территори сфæлынддзæн цыппар мин квадратон метры бæрц газон", — загъта "Эверест"-ы минæвар Русалина Усупова.
Уый бафтыдта, драмтеатры территорийы хæрзарæзтад кæй фæуыдзæн 2018 азы.
