ЦХИНВАЛ, 25 окт — Sputnik. Уæрæсейы экологийы азы фæлгæтты Цæгат Ирыстоны реализаци кæнынц алфæмблай дуне бахъахъхъæныны фæдыл проект "Суадон", хъусын кæны Ossetia News.
Проект конд уыдзæн суадæтты хæрзарæзт æмæ санитарон ссыгъдæгы фæдыл акциты серийæ.
Фыццаг этап райдайдзæн сабаты, 28 октябры – акцийы организатортæ æрбамбырд кæндзысты волонтерты æмæ активистты, афтæ ма республикон ведомствæты кусджыты суадæтты цур бырæттæ асыгъдæг кæныны нысанæн. Ацы бон сыгъдæг æрцæудзысты 11 объекты.
Проект "Суадон"-ы фæлгæтты ма суадæтты цур æвæрд æрцæудзысты информацион стендтæ историкон, санитарон æмæ туристон информациимæ, афтæ ма фæндагон амонæгтæ.
Проекты инициатортæ ма æнæмæнгхъæуæгыл нымайынц туристон инфраструктурæйы объектты сырæзт иууыл популярондæр суадæтты территорийыл, кæцытæ ис гæнæн æмæ суой республикæйы фенддагдæр бынæттæ.
