ЦХИНВАЛ, 27 окт — Sputnik. Хуссар Ирыстоны президент Бибылты Анатолий снысан кодта Мæргъиты Аланы дыццæджы сарæзтгонд паддзахадон ветеринарон æмæ фитосанитарон цæстдарды службæйы къухдариуæггæнæгæй, хъусын кæны паддзахады сæргълæууæджы пресс-службæ.
Уыцы указæй ма Мæргъиты Алан сæрибаргонд æрцыд Хуссар Иырстоны президенты администрацийы организацион-протоколон управленийы сæргълæууæджы бынатæй.
Хуссар Ирыстоны паддзахадон ветеринарон æмæ фитосанитарон цæстдарды службæ — "Югоссельхознадзор" — арæзт æрцыд Бибылты Анатолийы указæй дыццæджы, 24 октябры.
Биографион справкæ
Мæргъиты Алан райгуырд 1987 азы.
2008 азы райста "Менеджмент"-ы дæсниад Мæскуыйы паддзахадон педагогон университеты.
2013-2015 азты ахуыр кодта Адæмон хæдзарад æмæ паддзахадон службæйы уæрæсейаг академийы.
Ис ын бинонтæ, дыууæ сывæллоны.
