ЦХИНВАЛ, 30 окт — Sputnik. Ленингоры районы Ахмадзы хъæуы цур 29 октябры паддзахадон арæны режим фехалыны тыххæй Хуссар Ирыстоны арæнхъахъхъæнджытæ æрцахстой дыууæ гуырдзыстойнаг æмбæстаджы, хъусын кæны Паддзахадон æдасдзинады комитеты пресс-службæ.
Ведомствæйы хъусынгæнинагмæ гæсгæ, арæнсæтджытæ разындысты Каспы районы Окамийы хъæуы цæрджытæ – 43-аздзыд Джони Татарашвили æмæ 20-аздзыд Георгий Шукакидзе.
Ныртæккæ ПӔК-ы арæнгæрон службæ уадзы равзæрст, дзырд цæуы æрмæджытæ тæрхондонмæ адæттыныл.
Ведомствæйы зонæнтæм гæсгæ, ацы азы сентябры ахст æрцыд 42 арæнсæттæджы паддзахадон арæны хуссарирыстойнаг–уæрæсейаг фадыгыл æмæ Таджикистаны цыппар æмбæстаджы та уадзæн пункт "Рукъ"-ы. Алы хъуыддаджы фæдыл дæр уагъд цыд равзæрст.
