ЦХИНВАЛ, 6 ноя — Sputnik. Хуссар Ирыстоны фæсарæйнаг хъуыддæгты министр Медойты Дмитрий хайад исы æхсæнадæмон конференци "Хъырымы хæлæртты форум""-ы, хъусын кæны дипломатон ведомствæйы пресс-службæ.
Конференци уагъд цæуы 6-7 ноябры Ливадиаг галуаны Ялтæйы. Хайад дзы исынц 90 делегаты 30 бæстæйæ, уый нымæцы Китай, Япони, Сири, Палестинæ, Израиль, Инди, Европæйы бæстæтæй. Се ′хсæн – зынгæ политикон архайджытæ, архайгæ министртæ, парламенты депутаттæ, æхсæнады æмæ культурæ, бизнес, дзыллон информацийы фæрæзты минæвæрттæ.
Конференци æрбайгом уыдзæн ссесийæ — "Уæрæсе, Хъырым æмæ нырыккон æхсæнадæмон ахастытæ", цы ран уынаффæ кæндзысты Уæрæсе æмæ Хъырымы ныхмæ санкциты фарстытыл, афтæ ма Ӕппæтхъырымаг референдумы закондзинадыл.
