Ирон спортсментæ рамбылдтой 6 сыгъзæрин майданы самбойæ

Бафыссын
Yandex newsTelegram
Цæгат Кавказы федералон зылды самбойæ ерысты хатдзæгтæм гæсгæ, ирон спортсментæ райстой æмткæй 17 майданы

ЦХИНВАЛ, 9 ноя — Sputnik. Дзæуджыхъæуы уагъд цæуæг Цæгат Кавказы федералон зылды ерысты самбойæ ирон спортсментæ рамыбылдтой 6 сыгъзæрин, 3 æвзист æмæ 8 бронзæйон майданы, хъусын кæны Цæгат Ирыстоны спорты министрад.

Сабырадон Кавказы Хуссар Иры командæ ссис æртыккаг - Sputnik Хуссар Ирыстон
Цхинвалмæ бронзæимæ: "Сабырадон Кавказы" Хуссар Иры командæ ссис æртыккаг

Уæлахиздзаутæ февралы архайдзысты уæрæсейаг ерысты, Саратовы æмæ Оренбурджы.

Фыццаг къæпхæны майдантæ райстой сæхи уæзы категориты Уататы Дауыт, Елойты Георгий, Туаты Борис, Коциты Яна, Сланты Аида æмæ Къодзаты Зæринæ. Æвзист призертæ ссисты Елбачиты Дауыт, Елизавета Кузьмина æмæ Хуыбылты Алина.

Цæгат Кавказы федералон зылды ерысты самбойæ архайдтой 200 спортсмены. Турнир цыд Дзæуджыхъæуы, спорты Галуан "Манеж"-ы.

Фыццаг уал дзы сæ тыхтæ æвдыстой юниортæ. Тох кодтой 10 уæзы категорийы. Уый фæстæ гауызмæ рахызтысты 17 азы онг кæуыл цæуы, ахæм лæппутæ æмæ чызджытæ. Турниры кæронбæттæнон бон уыд æртыццæджы.

Ног хабӕртты лентӕ
0