ЦХИНВАЛ, 10 ноя — Sputnik. Хуссар Ирыстоны президент Бибылты Анатолий цыппæрæмы бафыста барамынд "Оперативон реагиркæнынады службæйы тыххæй", хъусын кæны президенты пресс-службæ.
Документмæ гæсгæ, службæ бацæудзæн Хуссар Ирыстоны мидхъуыддæгты министрады структурæмæ.
Раздæр дæлхайад уыд республикæйы æмбæстагон хъахъхъæнынад, уæлвæткон уавæрты æмæ æрдзон бæллæхты фæстиуджытæ иуварс кæныны фæдыл министрады сконды.
Документмæ бахæсгæ ивындзинæдтæ сæ тыхы бацыдысты, барамынд президент куы бафыста, уыцы бонæй.
