ЦХИНВАЛ, 13 ноя — Sputnik. Ирон хъæбысхæсты скъолайы хъомылгæнинæгтæй цыппар равдыстой сæ арæхстдзинад уæгъдибар хъæбысхæстæй Европæйы сæйраг командон турниры "Европæйаг нациты кубок – Кубок Алроса 2017". 15 регион куыд хъусын кæны, афтæмæй Сидахъты Заурбег æмæ Найфонты Артур бахастой сæ хайбавæрд Уæрæсейы æмбырдгонды фæуæлахизмæ, кæцы ахсджиаг æртыккаг туры рамбылдта Азербайджаны æмбырдгонды 5:3 хыгъдæй.
Сидахъты Зауырбег, кæцы архайдта 70 кг онг уæзы категорийы, уыд тыхджындæр Муртазали Муслимовæй — 5:4. 2017 азы дунейы чемпионаты уæлахиздзау юниорты æхсæн Найфонты Артур (86 кг уæзы категори), раскъуыдта уæлахиз титулджындæр ирон богал Гоститы Александры къухæй, кæцы хъахъхъæдта Азербайджаны спортивон кад — 10:8.
Фæлæ иууыл уæззаудæр уæзы категорийы – 125 кг онг – ирон богал Къозонты Зауыр æмгъуыдæй раздæр фембылд Джамаледдин Магомедовæн — 0:10.
