ЦХИНВАЛ, 15 ноя — Sputnik, Босыкты Наталья. Хуссар Ирыстоны президент Бибылты Анатолий æрбавдыста парламентмæ Коцты Олесяйы кандидатурæ республикæйы Уæлдæр тæрхондоны сæргълæууæджы бынатмæ, фехъусын кодтой Sputnik закондæттæн органы пресс-службæйы.
Уӕлдӕр тӕрхондоны раздæры сæргълæууæг Хуыгаты Илона, кæцы куыста ацы бынаты 2012 азы декабрӕй фӕстӕмӕ, октябры бадæтта отставкæмæ, фæстæдæр парламент сразы ис йæ куырдиатимæ.
"Ныртæккæ Коцты Олесяйы кандидатурæмæ, кæцы президент æрбавдыста Уæлдæр тæхондоны сæргълæууæджы бынатмæ, æркаст цæуы парламентон комитетты. Кæд æмæ кандидатурæимæ сразы уа президиум дæр, уæд фарст бахæсдзысты сессийы боны фæткмæ", — загътой парламенты пресс-службæйы.
Коцты Олеся æвзæрст æрцыд Хуссар Ирыстоны парламентмæ 2014 азы æвзæрстыты рæстæджы парти "Иугонд Ирыстон"-æй. Уый лæууы закондзинад, закондæттынад æмæ бынæттон хиуынаффæйады парламентон комитеты сæргъ.
