Абхазы президент ӕрцӕудзӕн Хуссар Ирмӕ официалон балцы

© Пресс-служба президента РЮОПрезиденты Южной Осетии и Абхазии Анатолий Бибилов и Рауль Хаджимба
Президенты Южной Осетии и Абхазии Анатолий Бибилов и Рауль Хаджимба - Sputnik Хуссар Ирыстон
Рафыссын
Ӕрцыды фӕлгӕтты фӕнд кӕнынц бафыссын дывæрсон бадзырдтӕ

ЦХИНВАЛ, 24 ноя – Sputnik. Хуссар Ирыстоны президент Бибылты Анатолийы фӕхуындмӕ гӕсгӕ 26-27 ноябры республикӕмӕ официалон балцы ӕрцӕудзӕн Абхазы президент Рауль Хаджимба. Уый тыххӕй хъусын кӕны Sputnik Абхазия сӕ бӕстӕйы президенты официалон сайты информацийыл ӕнцойгӕнгӕйӕ.

"26 ноябры паддзахады сӕргълӕууджытӕн уыдзӕн баныхастӕ. Ныхас цӕудзӕн дывæрсон ахастыты ӕмвӕзад ӕмӕ сӕ райтынг кӕныны фадӕттыл. Ӕрцыды фӕлгӕтты фӕнд кӕнынц бафыссын дыууӕварсон бадзырдтӕ", — дзырдӕуы хъусинаджы.

Президент Абхазии Рауль Хаджимба. - Sputnik Хуссар Ирыстон
Хаджимба: Хуссар Ир йæ дидинæфтыд бæтты Бибылты Анатолиимæ

Делегацийы сӕргъ лӕууы Абхазы республикӕйы президент, стӕй ма  йе сконды сты президенты администрацийы сӕргълӕууӕг Даур Аршба, фӕсарӕйнаг хъуыддӕгты министр Даур Кове, ахуырады министр Адгур Какоба, хъӕууон хӕдзарады министр Даур Тарба.

Амӕй размӕ 2017 азы апрелы Абхазы официалон делегаци хайад райста президент Бибылты Анатолийы инаугурацийы.

2017 азы июлы уыд Хуссар Ирыстоны президенты официалон визит Абхазы республикӕмӕ.

Ног хабӕртты лентӕ
0