ЦХИНВАЛ, 27 ноя — Sputnik, Козаты Диана. Гуырдзыстоны фарс архайы Георгий Гиунашвилийы ссæрибар Инциденттæ ма руадзыны механизмты фæлгæтты æнтыстджын бадзырдты хатдзæг схонын, фехъусын кодта Sputnik президенты æххæстбарджын минæвар фæсконфликтон уавæр æрнывыл кæныны фæдыл Джиоты Мурæт.
"Гиунашвилийы хъысмæт Гуырдзыстоны минæвæрттæ æвæрдтой Фæзкавказы æдасдзинады бахъахъхъæныны алкæцы фембæлды дæр. Ныр уыдон архайынц сæхиуыл æрфыссын йæ ссæрибар кæныны хъуыддаг. Сæйраг мах сæххæст кодтам Абхазы президенты фæндон. Президент Бибылты Анатолий равдыста барвæнд йæ абхазаг коллегæйы куырдиатмæ", — загъта æххæстбарджын.
Йæ ныхæстæм гæсгæ, абхазаг ахæсты дарддæры хъысмæт уыдзæн Абхаз æмæ Гуырдзыстоны хсæн бадзырдтæй кæнгæ.
Уый банысан кодта, ивгъуыд азы Гуырдзыстоны ахæстæттæй сæрибар кæй æрцыдысты Хуссар Иры цыппар æмбæстаджы. Уыдон тыххæй Абхазы президент ныххатыр кодта 8 адæймаджы, кæцытæн тæрхондон æндæр æмæ æндæр уæззау фыдракæндты тыххæй стæрхон кодта ахæстоны фæбадын.
