"Югоссельхознадзоры" сæргълæууæг: абон Хуссар Иры нæй африкæйаг емынæ

© Пресс-служба президента РЮОМæргъиты Алан
Мæргъиты Алан - Sputnik Хуссар Ирыстон
Ӕрæджы сарæзтгонд ведомствæйы сæргълæууæг радзырдта Sputnik иу мæйы мидæг бакæнгæ куысты æмæ ведомствæйы сæйраг хæслæвæрдты тыххæй

ЦХИНВАЛ, 29 ноя — Sputnik, Босыкты Наталья. Хуссар Ирыстоны ветеринарон æмæ фитосанитарон цæстдарды паддзахадон службæ – "Югоссельхознадзор" арвыста Россельхознадзормæ лабораторон иртæсæнтæ, кæцыты фæстиуджытæм гæсгæ Хуссар Ирыстоны территорийыл нæй африкæйаг емынæ. Уый тыххæй Sputnik фехъусын кодта ветеринарон æмæ фитосанитарон цæстдарды паддзахадон службæйы сæргълæууæг Мæргъиты Алан.

Мæргъиты Алан - Sputnik Хуссар Ирыстон
Бибылты Анатолий снысан кодта æрæджы сарæзтгонд ведомствæйы хистæры

2017 азы РХИ-ы Знауыры районы апарахат хуыты африкæйаг емынæ.

Хъæууон хæдзарады министрад Знауыры районы ветеринарон службæимæ ауагъта æппæт æнæмæнгхъæуæг мадзæлттæ, цæмæй ныннымæг кæной емынæйы апарахат. Мониторингы фæстиуджытæм гæсгæ, арæзт æрцыд справкæ, цы ран æвдыст ис ауадзгæ мадзæлтты фæдыл информаци æмæ æрвыст æрцыд Россельхознадзормæ. Уымæй дарддæр ма, справкæмæ бакондæуыд удыгас хуыты биоæрмæджыты бындурыл лабораторон иртасæнты фæстиуджытæ, кæцытæ уагъд æрцыдысты Кропоткины ветеринарон службæйы æмæ сæ вирус нæ разынд.

"Ныртæккæ ведомствæ иуварс кæны хуссарирыстойнаг хъæууон хæдзарадон продукцийы аласты фæдыл арæнæвæрд сисыны проблæмæ", — загъта Мæргъиты Алан.

Хуссар Ирыстоны паддзахадон ветеринарон æмæ фитосанитарон цæстдарды службæ — "Югоссельхознадзор" — арæзт æрцыд Бибылты Анатолийы барамындæй октябры.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала