ЦХИНВАЛ, 8 дек — Sputnik. Хуссар Ирыстоны Контролон-нымайæн палатæ сгары театры арæзтады финансон фæрæзты эффективон хардз. Театры бæстыхайы гуырахстджын сгæрстмæ чизоны æрхоной уæрæсейаг специалистты, фехъусын кодта уагдоны сæрдар Гæбæраты Геннадий йæ пресс-конференцийы рæстæджы мыхуыр æмæ информацийы комитеты.
"Махæн ис нæхи специалисттæ, фæлæ объект гуырахстджын кæй у æмæ йын стыр финансон фæрæзтæ кæй рахицæн æрцыд, уымæ гæсгæ фæнд кæнæм æрхонын уæрæсейаг специалистты. Ныридæгæн сгæрст ис райдайæн стадийыл, уымæ гæсгæ мæ бон бæлвырдæй зæгъын ницы у", — загъта Гæбæраты Геннадий.
Театрæй дæрддæр ма, КНП сгары районты цæрæн-коммуналон хæдзарадты финансон архайд. Йæ ныхæстæм гæсгæ, рæдыдтытæ рабæрæг сты Цхинвалы æмæ Знауыры районты.
"Сæххæстгонд куыстыты сметæтæ сты сæ аргъæй фылдæр Цхинвалы æмæ Знауыры районты. Дыууæ цæрæн-коммуналон хæдзарады ис фæткхалд цаутæ 1,5 милуаны аргъ", — загъта уый.
Сæрмагондæй, фæткхалды цаутæ хауынц Леуахийæ змис ласыны хъуыддагмæ. Ахæм цаутæ рабæрг сты Гуфта-Къуайса фæндаджы арæзтады рæстæджы дæр.
"Иумæйагæй сисгæйæ рхастæуд зиан 30 милуан сомы бæрц. Фæткхалды цаутæ хауынц Леуахийæ зимис æмæ дзæххор исынмæ. Документтæм гæсгæ ацы æрмæг æлхæд цыд. Арæзтадыл куыста цæгатирыстойнаг компани 2012 азы", — загъта Гæбæраты Геннадий.
