ЦХИНВАЛ, 11 дек — Sputnik. Цæгат Ирыстоны столицæйы æртæ æбæрæг гоймаджы бахызтысты горæты 47-аздзыд цæрæджы фатермæ, фæнадтой сылгоймаджы æмæ дзы адавтой зынаргъ цардуагон техникæ, хъусын кæны республикæйы МХМ-ы пресс-службæ.
Полицæйы кусджытæ сарæзтой бафарст сылгоймагæн, афтæ ма систой æнгуылдзты тæлмæнтæ æмæ къахы дарæсы фæдтæ. Суткæйы мидæг уыдонæн бантыст фыдгæнджытæй иуы æрцахсын — уый разынд Дзæуджыхъæуы 28-аздзыд цæрæг. Уый басаст саразгæ фыдракæндыл.
Фыдгæнæджы ныхмæ баконд æрцыд уголовон хъуыддаг "Абырæгдзинады" статьямæ гæсгæ – уымæ æнхъæлмæ кæсы 8 азы онг ахæсты баконд.
Ныртæккæ барадхъахъхъæнæг органтæ кусынц фыдгæнæджы æмархайджыты æрцахсыныл.
