Хлопонин: Уæрæсе æххæст кæны Хуссар Ирыстоны фæдыл хæсисттæ

© Sputnik / Наталья АйриянЦхинвалы уагъд цæуы уæрæсейаг-хуссарирыстойнаг æхсæнхицауадон къамисы рабадт
Цхинвалы уагъд цæуы уæрæсейаг-хуссарирыстойнаг æхсæнхицауадон къамисы рабадт - Sputnik Хуссар Ирыстон
Цхинвалы уагъд цæуы уæрæсейаг-хуссарирыстойнаг æхсæнхицауадон къамисы рабадт

ЦХИНВАЛ, 13 дек — Sputnik, Козаты Диана. Ӕввахс дыууæ азы Уæрæсе рахицæн кæндзæн Хуссар Ирыстоны райрæзтæн егъау финансон фæрæзтæ, уымæ гæсгæ бакæнын хъæудзæн куыстыты егъау гуырахст. Уый тыххæй уæрæсейаг-хуссарирыстойнаг æхсæнхицауадон къамисы рабадтыл загъта уæрæсейаг фарсæй æмсæрдар, УФ-йы вице-премьер Александр Хлопонин.

2018-2019 азтæн Инвестицион программæйы фæлгæтты уæрæсейаг бюджетæй рахицæнгонд æрцæудзæн 4 миллиард соммæ æввахс.

"Фæрæзты гуырахст у егъау, дыууæ азмæ – цыппар миллиард сомы, уымæ гæсгæ мах хъæуы бакæнын стыр куыст проектон-сметæйон документтæ бацæттæ кæныны тыххæй. Абон уал мах ауагътам фембæлд президентимæ, радзырдтам нæ иумæйаг куысты тыххæй, æрæмдзых кодтам нæ суинаг архæйдтыты график", — загъта Хлопонин.

Уый банысан кодта, Уæрæсе цы хæсисттæ райста Хуссар Ирыстоны ахасты, уыдон æххæст кæй цæуынц æххæстбæрцæй, "ахæм ахаст мах уынæм Хуссар Ирыстоны æрдыгæй дæр".

"Цæугæ æххуыс конд цæуы æххæстбæрцæй. Абон мах сараздзыстæм фæстиуджытæ 2015-2017 азтæн Инвестпрограммæйæн, æруынаффæ кæндзыстæм 2018-2019 азтæн Инвестпрограммæйыл", — радзырдта уæрæсейаг вице-премьер.

Александр Хлопонин - Sputnik Хуссар Ирыстон
Хлопонин радзырдта Хуссар Ирыстонæн финансон æххуысы гуырахстыл дыууæ азмæ

Уый бафтыдта, кæй цæуы ахсджиаг иумæйаг куыст Хуссар Ирыстон æмæ Уæрæсейы æхсæн æмцæдисад æмæ интеграцийы фæдыл бадзырды реализацийыл, "Бадзырды фæлгæтты иумæйаг куысты фæдыл махмæ ницы фиппаинæгтæ ис".

Хуссар Ирыстоны вице-премьер Пухаты Эрик банысан кодта, Уæрæсеимæ интеграцион процессты райрæзт æмæ æхсæнпаддзахадон ахастыты фидаркæнынад кæй сты стратегион приоритет Хуссар Ирыстонæн.

"Мæ нымадмæ гæсгæ, æмцæдисад æмæ интеграцийы фæдыл бадзырдмæ гæсгæ хъахъхъæнынады иумæйаг тыгъдады сырæзт æмæ социалон-экономикон къабазы интеграци æрмæст дзуапп не сты дунейы тагъдрæзаг стабилондзинад æмæ регионалон æртхъирæнтæн, фæлæ ма уæлдай ахастыты æвдисæн", — загъта уый.

Премьер банысан кодта, республикæ активонæй размæ кæй цæуы Инвестпрограммæйы фæрцы, кæцыйы фæлгæтты арæзт æмæ цалцæг æрцыдысты социалон æмæ культурон нысан кæмæн ис, ахæм объекттæ, афтæ ма инженерон æмæ фæндагон инфраструктурæйы объекттæ.

Йæ ныхæстæм гæсгæ, уый æвæрццагæй бандæвта Хуссар Ирыстоны уавæрыл, уынгты хæрзарæзтад бындуронæй фæивта столицæйы бакаст.

"Арæзтадон-цалцæггæнæн процесс дарддæр цæуы, финанскæнынад цæуы æмгъуыдтæ æнæ фехæлдæй, уымæ гæсгæ мах аразджытæй ныфс æвæрæм гъæдджын куыстæй, объекттæ иууылдæр эксплуатацимæ лæвæрд хъуамæ æрцæуой снысангонд æмгъуыдтæм. Нывæзты ма ис экономикæйы реалон секторы проекттæн паддзахадон æххуыс, æнцонвадат инвестицион климаты сырæзт", — загъта Пухаты Эрик.

Уый ма бафтыдта, санкциты фоныл финансон æххуыс кæй нæ къаддæр кæны, "уый та у дыууæварсон ахастыты бæрзонд æмвæзад æмæ Уæрæсейы къухдариуæгады сæрмагонд æууæнчы æвдисæн".

Премьер банысан кодта, Хуссар Ирыстон кæй хъуамæ аргъ кæна ацы æххуысæн æмæ йæ хардз кæна максималон эффективонæй.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала