ЦХИНВАЛ, 25 дек — Sputnik. Хуссар Ирыстон электроэнергийæ цы хызæг ифтонг кæны, ууыл ног фескъуыд ссардæуыд фæндагæй 4 км фалдæр Дзомагъгомырдæм, хъусын кæны республикæйы уæлвæткон уавæрты министрад (УУМ).
"Ныртæккæ аргълæвæрд цæуы цалцæгæн, техникæйы хъæуындзинæдтæн. Чизоны бахъæуа фæндаг айгæрдын, техникæ фæхæццæ кæнынæн", — фехъусын кодта ведомствæйы министры хæдивæг Бестауты Ацæмæз.
Уагдоны ма банысан кодтой, абон кæй нал хъæуы æнхъæлмæ кæсын рухсы ссыгъдмæ. Цалцæггæнæн куыстытæ иууыл раздæр фæуыдзысты сомы бон.
Хуссар Ирыстон аззад æнæ рухсæй сабаты тыхджын дæлдзырæтты аххосæй, кæцытæ ныскъуыдтæ кодтой электрохæххытæ. Хуссар Ирыстонмæ электроэнерги цæуы Уæрæсейæ электрохахх "Зæрæмæг-Цæгаттаг портал-Дзау"-ыл.
