ЦХИНВАЛ, 12 янв— Sputnik. Цæгат Ирыстоны æрмдæснытæ аразынц дзауматæ скифаг стилы.
"Ӕнæрлæугæ змæлды скифаг символ у Ӕлборты æфсымæртæ – Виталий æмæ Асланы фæндагамонæг стъалы. Ныр 30 азæй фылдæр уыдон аразынц уникалон дзауматæ – хæцæнгарз, фæлындæнтæ. Æмæ сты иузæрдион æрмæстдæр ацы стилæн, цы ран куыстой скифаг æмæ алайнаг æрмдæснытæ. Ацы æрмадзы ма аразынц авторон дзауматæ æмæ рагон дзауматы копитæ", — хъусын кæны ПТРК "Алани".
Ӕрмæджыты хуызы Ӕлборты æфсымæртæ пайда кæнынц згъæры алы хуызтæй, хъæдæй æмæ ставд фосы сыкъатæй. Уазал згъæр æмæ цармы гæппæлтæ куыстарæхст дæсныты къухты фестынц аив дзауматæ.
