ЦХИНВАЛ, 15 янв — Sputnik, Плиты Фатимæ. Цхинвайлаг тыхджындæр боксертæ стох кæндзысты боксы фыццагад "Юность России"-йы. Цыппар дæр сты республикон турнирты уæлахиздзаутæ, фехъусын кодта Sputnik спорты комитеты пресс-секретарь Софа Исаакян.
Юниорты (2004-2005) хсæн ерыстæ цæудзысты 15-22 январы Ставрополы крайы, хуссарирыстойнаг спортсментæ архайынц Цæгат Ирыстоны командæйы сконды.
"Ерысты тох кæндзысты Кокойты Аслан, Дженыкъаты Ричард, Гæджиты Гурам æмæ Ӕлборты Сослан, уыдон се ʻппæт дæр сты республикон турнирты уæлахиздзаутæ. Иу дзы цæттæ кæны спорты галуан "Олимп"-ы, аннæтæ сты сывæллæтты боксы скъолайы хъомылгæнингтæ", — радзырдта уый.
Пресс-секретарь ма радзырдта, "Юность России" уæлахиздзаутæн фæндаг кæй кæны Уæрæсейы æрыгæдты чемпионатмæ.
Фæсивæдæн ерыстæм ацæуынæн финансон фæрæзтæ радих кодтой Президенты фондæй. Спортсментимæ абалц сты дыууæ тренеры Дзигойты Ацæмæз æмæ Санахъоты Аслан.
