ЦХИНВАЛ, 16 янв— Sputnik. Ирон боксер Тадтаты Сæрмæт, кæцыйæн профессионалон рингыл дебют уыд фарон, ауагъта йæ дыккаг тох, хъусын кæны 15 регион.
Тох ацыд Китайы, сакъадах Сямыны Хуссар-Китайаг денджызы.
Ирыстойнаг 25-аздзыд спортсмены ныхмæлæууæг уыд 23-аздзыд китайаг спортсмен, Китайы чемпионаты æвзист призер.
4-раундон тохы фæстиуджытæм гæсгæ, Тадтаты Сæрмæт уыд тыхджындæр æмæ фæуæлахиз очкотæм гæсгæ.
Ирон боксерæн ис хорз æнтыстытæ боксы, у юниорты æхсæн Уæрæсейы фыццагады дыууæ хатты призер. Ныртæккæ уый йæхи цæттæ кæны Уæрæсе æмæ Хуссар Ирыстоны сгуыхт тренер, Гасситы Мураты тренер — Сланты Виталийы къухдариуæгады бын.
