Хуыгаты Алан рахиздзæн рингмæ Сочийы Гасситы Мурæтимæ иу изæр

© 15-Й РЕГИОНХуыгаты Алан
Хуыгаты Алан - Sputnik Хуссар Ирыстон
Рафыссын
Ирон боксер Хуыгаты Алан стох кæндзæн узбекаг боксер Абдурашид Примберидиевимæ боксы изæры фæлгæтты Сочийы

ЦХИНВАЛ, 22 янв— Sputnik. Боксы ирон скъолайы минæвар Хуыгаты Алан рахиздзæн Сочийы ихын галуан "Стыр"-ы аренæйы рингмæ йæ номджын æмзæххон, IBF версимæ гæсгæ дунейы чемпион Гасситы Мурæтимæ иу изæр, хъусын кæны 15 регион.

Мурат Гассиев - Sputnik Хуссар Ирыстон
Гасситы Мурæт: мæ сæрмагонд цард иууылдæр у бокс

Ӕппæтдунейон боксерон суперсерийы (WBSS) æрдæгфиналы тох Гасситы Мурæт æмæ Юниер Дортикосы æхсæн ацæудзæн 3 февралы. Рингмæ ма рахиздзæн сгуыхт тренер Сланты Виталийы хъомылгæнинæгтæй ноджы иу – перспективон профессионалон боксер Хуыгаты Алан. Йемæ стох кæндзæн 22-аздзыд узбекаг боксер Абдурашид Примбердиев. Тох адарддæр уыдзæн 4 раунды æмæ уагъд цæудзæн фыццаг рог уæзы.

Сланты Виталий куыд банысан кодта, афтæмæй Хуыгайы фырты ныхмæлæууæгæн ис стыр æнтыстытæ боксы.

"Тынг бæрнон тох у нæ æрыгон боксерæн. Ӕмрæстæджы, Аланæн ис фадат йæхи равдисын æмæ мæ ныфс ис, уый кæй спайда кæндзæн ацы шансæн", — загъта Сланты Виталий.

Хуыгаты Аланы хыгъдыл ис дыууæ уæлахизы профессионалон рингыл, кæцытæй иу балхынцъ кодта нокаутæй.

Боксы æппæтдунейон суперсерийы турнир æрбайгом ацы аз сентябры æмæ кæронмæ бахæццæ уыдзæн 2018 азы майы. Йæ призон фонд уыд 50 милуан доллары. Уымæй дарддæр ма турниры уæлахиздзау райсдзæн Мухаммед Алийы номыл трофей.

Ног хабӕртты лентӕ
0