Гасситы Сослан æхсæзæм хатт рамбылдта Уæрæсейы фыццагад армспортæй

© Sputnik / Фатима ПлиеваГасситы Сослан
Гасситы Сослан - Sputnik Хуссар Ирыстон
Бафыссын
Yandex newsTelegram
Цхинвайлаг армхæцджытæ се 'ппæт дæр ссисты призертæ, иунæг чызг-армхæцæг Дыгъуызты Милена дæр та сфæлхатт кодта йе 'нтыст Уæрæсейы фыццагады, иумæйаг хыгъды ис дыккаг бынаты

ЦХИНВАЛ, 2 фев — Sputnik, Плиты Фатимæ. Уæрæсейы фыццагады цхинвайлаг армхæцджытæ рамбылдтой цыппар майданы, фæстаг æзты æппынæдзух лидер Гасситы Сослан ныр æхсæзæм хатт райста фыццагады сыгъзæрин майдан. Уый тыххæй Sputnik фехъусын кодта спортсменты тренер Джиоты Валерий.

Сослан Гассиев-чемпион Европы и Мира по армлеслингу - Sputnik Хуссар Ирыстон
Гасситы Сослан - Европæйы тыхджындæр армхæцæг

Цхинвалаг армхæцджытæ се 'ппæт дæр ссисты призертæ. Хуссар Иры иунæг чызг-армхæцæг Дыгъуызты Милена дæр та сфæлхатт кодта йе 'нтыст Уæрæсейы фыццагады, иумæйаг хыгъды ис дыккаг бынаты, ноджы ма иу æвзист та æрхаста Плиты Батрадз. Хабæлаты Арсен та ссис ерысты бронзæйон призер.

"Гасситы Сослан 90 кг уæзы радон хатт уыд æнæбасæтгæ. Ацы аз марты лæппу рахиздзæн хистæр кары ерыстæм. Æвзист майдантæ райстой Плиты Батрадз (80 кг) уæзы, Дыгъуызты Милена (70 кг), æртыккаг призер та ссис Хæбæлаты Арсен (65 кг)", — загъта тренер.

Уый ма банысан кодта, Уæрæсейы æнтыстджындæр æрмхæцджытæ сæрды сæ тыхтæ кæй бавзардзысты Европæйы фыццагады, "уæлахиздзаутæй дарддæр ма чи райсдзæн балцæгтæ, уый бæстонæй бæрæг нæу".

Фыццагады æвзист призер Дыгъуызты Милена социалон хызæджы йе 'нтыстджын ралæуд снывонд кодта йæ ахуыргæнæг Уалыты Русланæн, кæцы йæ цардæй ахицæн цалдæр боны размæ.

"Мæ ацы æнтыст нывонд кæнын мæ физикон культурæйы уарзон ахуыргæнæгæн, кæцы æнафоны ахицæн йæ цардæй. Уый мæнæн фыццаг бакодта фæндаг армспортмæ, алыхатт дæр цин кодта мæ уæлахизтыл", — ныффыста Милена Instagram фарсыл.

Ног хабӕртты лентӕ
0