ЦХИНВАЛ, 2 фев — Sputnik. Уæрæсейæ Гуырдзыстонмæ транспортон коридор Хуссар Ирыстоны уылты айгæрддзæн æрмæстдæр хуссарирыстойнаг хицауадимæ цымыдисгæнæг фарсыты комкоммæ бадзырдты фæстæ, фехъусын кодтой рсепубликæйы фæсарæйнаг хъуыддæгты министрады (ФХМ).
Уæрæсе æмæ Гуырдзыстон 2011 азы бафыстой сразыдзинад базайрæгты таможнæйон менеджмент æмæ мониторингы механизмты фæдыл. Уый бантыст саразын, Гуырдзыстон вето куы систа Уæрæсейы бацыдæй Ӕппæтдунейон базарадон организацимæ. Уыцы сразыдзинады домæнтæй иу гуырдзиаг фарс банысан кодта УФ æмæ Гуырдзыстоны æхсæн уæлæмхас коридорты æрбайгом. Сразыдзинадмæ гæсгæ, ахæм транзитон коридортæй иу цæудзæн Хуссар Ирыстоны таможнæйон территорийыл. Афтæ ма фарсытæ бадзырдтой æрбахонын æхсæнадæмон минæвæртты уæргъты цыды контролы æмæ маркировкæйы тыххæй.
"Ацы сразыдзинады уагæвæрды практикон реализацийы фадат, кæцы агайы Хуссар Ирыстоны интерестæ экономикæ, æдасдзинад, экологийы къабазты, комкоммæ баст у Республикæ Хуссар Ирыстоны официалон хицæуттимæ цымыдисгæнæг фарсыты комкоммæ бадзырдтимæ æмæ ацы проекты дарддæры æмбарадон æмгуыстады фæдыл æмбæлон барадон базæйы сырæзтимæ", — дзырдæуы Хуссар Иры ФХМ-ы хъусынгæнинаджы.
Ведомствæйы бахахх кодтой, Хуссар Ирыстон кæй нæу Уæрæсе æмæ Гуырдзыстоны æхсæн сразыдзинады хайадисæг æмæ ницы бæрндзинад хæссы йæ практикон реализацийы фæдыл.
"Цыфæнды æндæр фæрæзтæн, уый нымæцы политикон кæнæ экономикон æндæвдад, ацы фарст аскъуыддзаг кæнынæн нæй перспективæтæ", — дзырдæуы хъусинаджы.
