ЦХИНВАЛ, 8 фев — Sputnik. Луганскы Адæмон республикæйы (ЛАР) Адæмон советы сæргълæууæг Денис Мирошниченко фембæлд Хуссар Ирыстоны делегациимæ, кæцы æрцыд Луганскмæ республикæты æхсæн экономикон райрæзты къабазы æмгуыстады фæдыл сразыдзинад бафыссыны нысанæн, хъусын кæны республикæйы парламенты пресс-службæ.
РХИ-ы делегацийы сæргълæууæг, экономикон райрæзты министр Кокойты Геннадий банысан кодта, Хуссар Ирыстон дарддæр дæр кæй фидар кæндзæн партнерон ахастытæ паддзахæдты æхсæн.
"Сразыдзинад бафыссыны абоны акт у не ′мгуыстады радон æмвæзад. Мах нæ дызæрдыг кæнæм, æмгуыстад дарддæр дæр размæ кæй цæудзæн Хуссар Ирыстоны къухдариуæгад æмæ цæрджыты æрдыгæй. Ис фæзуат æмгуыстадæн æмæ нæ хъуыдымæ гæсгæ, ацы фæзуат кæндзæн уæрæхдæр æмæ фидардæр", — загъта Кокойты Геннадий.
ЛАР-ы парламенты къухдариуæггæнæг загъта бузныг уазджытæн рсепубликæты æхсæн æнтыстджын æмгуыстады тыххæй æмæ равдыста ныфс, уый дарддæр дæр кæй кæндзæн фидарæй фидардæр.
"Фæнды мæ, цæмæй нын цы ахастытæ сфидар, уыдон рахизой уæлдæр æмвæзадмæ. Махæн тынг ахсджиаг у зонын, кæй ис адæм, кæцытæ сты не ′вварс", — загъта Мирошниченко.
Фембæлды кæрон Адæмон советы сæргълæууæг рарвыста делегацийæн арфæйы тел Хуссар Ирыстоны президентæн, кæцы раздæр бон банысан кодта йæ райгуырæн бон.
