ЦХИНВАЛ, 9 фев — Sputnik. Дунейы чемпион IBF æмæ WBA верситæм гæсгæ Гасситы Мурæт сабаты æрцæудзæн Хуссар Ирыстонмæ, цæмæй фембæла йæ фарсхæцджытимæ æмæ республикæйы президент Бибылты Анатолиимæ, фехъусын кодта Sputnik паддзахады сæргълæууæг Гасситы Дина.
Гасситы Мурæт фæуæлахиз кубæйаг боксер Юниер Дортикосыл Ӕппæтдунейон боксерон суперсерийы æрдæгфиналы. Ныхмæлæуд ацыд Сочийы 3 февралы. Йæ IBF версимæ гæсгæ титулмæ Ирыстонæй чемпион бафтыдта WBA версимæ гæсгæ дунейы чемпионы титул.
"Президент фембæлдзæн Гасситы Мурæтимæ сабаты. Уый фæстæ чемпион фембæлдзæн йæ фарсхæцджытимæ Цхинвалы централон фæзуаты. Уым ма уый раргом кæндзæн йæ арæхстдзинады сусæгдзинæдтæ æрыгон спортсментæн", — радзырдта Гасситы Дина.
WBSS финалы Гасситы Мурæт фембæлдзæн WBC æмæ WBO чемпионимæ — украинæйаг Александр Усикимæ. Суперсерийы финал ацæудзæн 11 майы Саудовская Аравияйы.
