Цхинвалы байгом ирон кафты V фестиваль

© Sputnik / Плиты Фатима Ирон кафты фестиваль
Ирон кафты фестиваль - Sputnik Хуссар Ирыстон
Рафыссын
Ирон националон хореографийы республикон фестиваль æрæмбырд кодта 16 сфæлдыстадон къорды

ЦХИНВАЛ, 13 фев — Sputnik, Плиты Фатимæ. Цхинвалы райдыдта ирон хореографийы V республикон фестиваль скъолаты коллективты ʻхсæн. Фæсивæд сæ арæхстдзинад æвдисынц "Симд" æмæ "Хонгæ"-йæ.

Ахуырады министрады хъæппæрисæй республикон фестиваль райдыдта дыццæджы æмæ балхынцъ уыдзæн цыппæрæмы, 15 февралы, гала-концертæй.

"Ирон националон кафты республикон фестиваль æрæмбырд кодта 16 сфæлдыстадон къорды, уыдон хсæн горæты æппæт скъолатæ 10-æм æмæ 2-æм скъолайæ дарддæр, афтæ ма районтæй дæр", — загъта ахуырады министрады кусæг Хуыджеты Замира.

Фыццаг сценæмæ рахизыны бар радтой районты скъолаты къордтæн. Фæсивдæы номыртæн аргъ кæны жюри ирон хореографион аивады сгуыхт специалистты скондæй — Быценты Геннадий, Тедеты Валентина, Санахъоты Сослан, Санахъоты Жанна æмæ Чилæхсаты Георгий.

© Sputnik / Плиты Фатима Ирон кафты фестиваль
Ирон кафты фестиваль  - Sputnik Хуссар Ирыстон
Ирон кафты фестиваль

Ахуырады министрады фæсивæды хъомылады монон-фæткæвæрдон нывæзты фæлгæтты скъолаты къордтæн самал кодтой националон дарæс, фæлæ хорздзинад алкæуыл нæ аххæссыд, уымæ гæсгæ фестивалы сценæмæ бирæтæ рахызтысты цæттæгæнæн, науæд та скъолайон формæйы.

Ивгъуыд аз фестивалы гран-при райста Цхинвалы 5-æм скъолайы коллектив, фыццаг бынат та бацахста скъола-интернат.

Ног хабӕртты лентӕ
0