ЦХИНВАЛ, 16 фев — Sputnik, Козаты Диана. Хуссар Ирыстоны парламент сфидар кодта Уæлдæр тæрхондоны аст тæрхонгæнæджы. Кандидатурæты раздæр æрбавдыста президент Бибылты Анатолий æмæ сæ хорзыл банымадта Тæрхонгæнджыты квалификацион коллеги.
Уæлдæр тæрхондоны тæрхонгæнджытæ ссисты Бязырты Лариса, Гæджиты Нана, Джиголаты Альберт, Тъехты Дмитрий, Мæргъиты Ирина, Цхуырбаты Карина, Хацырты Виолета æмæ Джиоты Зæринæ.
Фæстаг дыууæйæ дарддæр, иннæтæ иууылдæр уыдысты Уæлдæр тæрхондоны архайгæ тæрхонгæнджытæ.
УТ-ы сæргълæууæг Коцты Олеся загъта бузныг депутаттæн "равдисгæ иузæрдиондзинады" тыххæй.
Парламенты спикер Гасситы Петр банысан кодта, тæрхондонон органты раз кæй ис вазыгджын хæслæвæрд – ног цæстæнгас саразын Хуссар Ирыстоны тæрхондæтты тыххæй æмæ сын йæ цæст бауарзта æнтыстытæ ацы хъуыддаджы.
