ЦХИНВАЛ, 22 фев — Sputnik. Хуссарирыстойнаг лæппу, техникон зонæдты кандидат Александр Пантелеев ссис æппæтуæрæсейаг преми "Афæдзы инженер"-ы лауреат, хъусын кæны Уæрæсейы зонадон æмæ инженерон æхсæнадон баиугæндты цæдисы пресс-службæ.
Пантелеев райста хорзæх "Нефты æмæ газы сæудæджерады (Зонадон ифтонгад)" категорийы. XVIII Ӕппæтуæрæсейаг конкурс "Афæдзы инженер — 2017"-ы уæлахиздзауты æмæ фæсивæдон преми "Уæрæсейы ныфсыты" лауреатты схæрзæх кæныны церемони уагъд æрцыд Мæскуыйы 20-22 февралы.
Цхинвайлаг лæппу каст фæцис Нефт æмæ газы Уæрæсейаг паддзахадон университет 2013 азы, уый фæстæ рацыд ахуыр Тыбылты Алыксандры номыл Хуссар Ирыстоны Паддзахадон университет. Райста техникон зонæдты кандидаты къæпхæн 2016 азы.
