ЦХИНВАЛ, 22 фев — Sputnik. Гергиты Валерийы фестиваль "360 градусов" æртыккаг хатт ацæудзæн Мюнхены 22-25 февралы, ацы аз музыкалон форум у нывонд Игорь Стравинскийæн, хъусын кæны РИА Новости.
Фестиваль "360 градусы" æрбайгом уыдзæн 22 февралы Гастайгы филармонийы сценæйыл. Маэстро Гергиты Валерийы къухдариуæгады бын Мюнхены филармонион оркестр айхъуысын кæндзæн Стравинскийы музыкæйы зæлтæ, афтæ ма сæххæст кæндзæн Бетховены "Оркестримæ концерт фортепианойæн №4".
Фестивалы æлхынцъон концерт дæр ацæудзæн 25 февралы Гастайгы филармонийы. Фестивалы фæстæ, 26 февралы маэстро Гергиты Валерий ратдзæн ноджы иу концерт Мюнхенаг оркестримæ.
Фестивалы æрбайгомы размæ фæбæрæг ис, Гергиты Валерийы контракт Мюнхенаг филармонион оркестримæ кæй адарддæр кодтой 2025 азы онг. Маэстро у коллективы аивадон къухдариуæггæнæг æмæ сæйраг дирижер 2015/16 сезонæй фæстæмæ.
