Паддзахадон драмтеатр Цхинвалы эксплуатацимæ ратдзысты 2018 азы апрелы

© Sputnik / Наталья АйриянТеатр
Театр - Sputnik Хуссар Ирыстон
Рафыссын
Цæгат Кавказы хъуыддæгты фæдыл Уæрæсейы министры хæдивæг Игорь Кошин бацыд университеты æмæ Паддзахадон драмтеатры бæстыхæйттæм Хуссар Ирыстоны премьер-министримæ

ЦХИНВАЛ, 1 мар — Sputnik. Цæгат Кавказы хъуыддæгты фæдыл Уæрæсейы министры хæдивæг Игорь Кошин, æхсæнадæмон æмгуыстады департаменты директор Антон Мельник æмæ РХИ-ы хицауады сæрдар Пухаты Эрик бабæрæг кодтой цалдæр объекты, кæцытæ арæзт æрцыдысты 2015-2017 азтæн инвестпрограммæйы фæлгæтты. Семæ ма уыдысты арæзтад, архитектурæ æмæ ЦКХ-ы министры хæстæ æххæстгæнæг Зæгъойты Эдуард æмæ нардуатон организациты къухдариуæггæнджытæ, хъусын кæны Хуссар Ирыстоны хицауады пресс-службæ.

Бибылты Анатолийы фембæлд Игорь Кошинимæ - Sputnik Хуссар Ирыстон
Бибылты Анатолий: 2017 азы инвестпрограммæ æххæст æрцыд 90 проценты бæрц

Чиновниктæ бацыдысты 800 адæймагæн нымад университетон комплексмæ, кæцыйы ис ахуырадон æмæ фæлладуадзæн корпус æмæ цæттæгæнæн ахуырадон центр.

Нардуатон организацийы къухдариуæггæнæг Джуссойты Константины ныхæстæм гæсгæ, 600 милуан сомы аргъ комплекс у цæттæ 99% бæрц æмæ райдайдзæн йæ куыст ацы мæй. Эксплуатацимæ раттыны æмгъуыд та фæфæстиат инвентары фæдыл сæвзæргæ фарстыты тыххæй æмæ рæстæгыл арæзт кæй не ′рцыд техникон документаци.

Делегаци базонгæ ис куыстыты цыдимæ Паддзахадон драмон театры, цы ран кæронмæ фæхæццæ кæнынц рухсытæ æмæ мырон ифтонггарз сæвæрыны куыстытæ, афтæ ма иуварс цæуынц бæстыхайы æддаг фарсы арæзтады къуыхцытæ. Театр, кæцыйы арæзтадыл бахардз 1 миллиард 300 милуан сомы, лæвæрд æрцæудзæн эксплуатацимæ ацы аз апрелы.

Игорь Кошин банысан кодта, Инвестпрограммæйы объектты арæзтад иумæйагæй кæй цæуы хорз темптæй.

"Фенæн ис Инвестпрограммæйы реализацийы хорз динамикæ. Кæй зæгъын æй хъæуы, уымæн ахъаз у республикæйы къухдариуæгады ахаст дæр", — бахахх кодта уый.

Ног хабӕртты лентӕ
0