ЦХИНВАЛ, 15 мар — Sputnik, Плиты Фатимæ. Хуссар Ирыстоны Дзауы районы Згъубиры суадоны дон "Оssetian" райста сыгъзæрин майдан æмæ Уæрæсейы "Лучший продукт-2018"-ы ном, фехъусын кодта Sputnik компани "Родники Осетии"-йы æмбардарæг Босыкты Владими.
Згъубиры суар ныридæгæн уагъд цæуы дыууæ бренды бын — "Оssetian" æмæ "Аландон". Конкурсмæ бавдыстой дон "Оssetian"-ы базарадон маркæйы бын. Ныридæгæн æй уадзы амалиуæгад "Родники Осетии".
"Згъубиры суар нымад æрцыд Уæрæсейы 2018 азы хуыздæр доныл. Конкурсы фæстæ Уæрæсейы 64 регионæй æрбацыд æнхъарæнтæ – уыдон сæ базармæ фæнд кæнынц ласын ацы дон", — загъта Босыкты Владимир.
Конкурс æрвылаз уадзы Уæрæсейы Хъæууон хъæдзарады министрад хæлцадон продуктты æмæ хомæджы равдыст "Продэскпо-2018"-йы фæлгæтты.
