ЦХИНВАЛ, 20 апр — Sputnik. Цæгат Ирыстоны æмбырдгонд Цæгат Кавказы фыццагады самбойæ 2004-2005 азты гуырд чызджытæ æмæ лæппуты æхсæн рамбылдта цыппар сыгъзæрин майданы – æртæ сыгъзæрин æмæ иу æвзист. Чемпионат цыд 13-16 апрелы Нальчикы, хъусын кæны РЦИ-Аланийы спорты министрад.
Сæ уæзы категориты уæлахиздзаутæ ссисты Кокайты Самуил(42 килограмм), Дунгеров Вадим (46 килограмм) æмæ Мæргъиты Виктория (+65 килограмм). Кокайты Даниил (46 килограмм) схызт пьедесталы дыккаг къæпхæнмæ.
Раздæр ирон самбисттæ равдыстой иттæг хорз фæстиуджытæ, 2002-2003 азты гуырд чызджытæ æмæ лæппуты æхсæн Цæгат Кавказы ерысты 13 майданы рамбулгæйæ.
