ЦХИНВАЛ, 24 апр — Sputnik. Хуссар Ирыстоны арæнхъахъхъæнджытæ æрцахстой Гуырдзыстоны æмбæстаджы паддзахадон арæны режим фехалыны тыххæй, хъусын кæны ведомствæйы пресс-службæ. Гуры цæрæджы æрцахстой майрæмбоны, 20 апрелы, Цхинвалы районы Громы хъæуы цур.
"Цхинвалы районы Громы хъæумæ æввахс РХИ-ы Паддзахадон арæны режим фехалыны тыххæй, арæнхъахъхъæнджытæ æрцахстой Гуырдзыстоны æмбæстаг Двалишвили Сосо Муразийы фырты, 1987 азы гуырд, горæт Гуры цæрæг", — дзырдæуы ведомствæйы хъусинаджы.
Гуырдзыстоны аннæ æмбæстаджы та аналогон фæткхалды тыххæй æрцахстой сабаты, 21 апрелы, Цхинвалы районы Арцеуы хъæуы. Уый разынд Гуры районы Керейы хъæуы 66-аздзыд цæрæг Мисирели Акакий Шалвайы фырт.
Ныридæгæн РХИ ПӔК-ы арæнгæрон службæ ауагъта равзæрст, æрмæджытæ æрвыст æрцыдысты Цхинвалы районон тæрхондонмæ.
