ЦХИНВАЛ, 24 апр — Sputnik. Цхинвалы, Харебаты Исахъхъы уынгыл Мидхъуыддæгты министрады (МХМ) кусæг машинæ баскъæрдта дыууæ фистæгæй цæуæджыл. Фыдбылыз æрцыд къуырисæры изæры, сылгоймæгтæ бахаудтой рынчындонмæ, хъусын кæны МХМ пресс-службæ.
Медицинон басгæрст равдыста, шофыр аварийы рæстæджы кæй уыд нозтджын. Ныридæгæн уый ис МХМ рæстæгмæдарæн изоляторы.
"Мидхъуыддæгты министрады кусæг 23 апрелы 17:50 сахатыл хæдтулгæ "ЛАДА ПРИОРА"-йыл фæндагон змæлды фæткы пункттæ 2.7 æмæ 14.1 фехалгæйæ, ныццавта дыууæ фистæгæй цæуæджы — 51-аздзыд сылгоймаг æмæ 28-аздзыд чызджы, кæцытæ фæцæйхызтысты фистæгæйцæуджыты сæрамгонд хизæныл", — дзырдæуы хъусинаджы.
Фæндагон фыдракæды æууæлтæ сгары Мидхъуыддæгты министрад.
