Дыууæ цхинвайлаг боксеры стох кæндзысты Ростовы гом турниры

© Sputnik / Фатима ПлиеваЦхинвайлаг боксертæ
Цхинвайлаг боксертæ - Sputnik Хуссар Ирыстон
Бафыссын
Yandex newsTelegram
Ерыстæ цæудзысты 24-27 майы, Хуссар Ирыстоны спортивон кад хъахъхъæндзысты боксы скъолайы дыууæ тыхджындæр минæвары – Гæджиты Гурам æмæ Къæбысты Георгий

ЦХИНВАЛ, 21 май — Sputnik, Плиты Фатимæ. Сывæллæтты æмæ æрыгон фæсивæды боксы скъолайы хъомылгæнинæгтæ стох кæндзысты центр "Боевые перчатки"-йы гом фыццагады Ростов-на-Донуйы, фехъусын кодта Sputnik боксы скъолайы минæвар Кокойты Ирбег.

Владимир Ердыгины номарæн ерыстæ цæудзысты 2003-2004 æзты гуырд спортсменты ʻхсæн. Развæлгъау информацимæ гæсгæ, турниры архайдзæн сæдæйы бæрц боксеры Уæрæсейы регионтæ æмæ фæсарæнтæй.

"Ерысты Хуссар Ирыстоны спортивон кад хъахъхъæндзысты боксы скъолайы дыууæ тыхджындæр боксеры — Гæджиты Гурам æмæ Къæбысты Георгий. Лæппутæ сты сæ уæзы æмæ кары категориты аккагдæртæ канд хуссары нæ, фæлæ æппæт Ирыстоны дæр. Сæ хыгъдты ис дæсгай фыццаг бынæттæ æхсæнрегионалон æмæ æхсæнадæмон ерысты", — радзырдта Кокойты Ирбег.

Йæ ныхæстæм гæсгæ, ерысты бæрзонд æмвæзадмæ æнæкæсгæйæ, лæппутæ хъавынц фыццаг бынæттæм.

Боксы турниры хайадисджытæ Кæсæг-Балхъары - Sputnik Хуссар Ирыстон
Кубок, майдантæ æмæ приз: цхинвайлаг боксертæ расгуыхтысты уæрæсейон турниры

"Ацы хатт уæрæсейаг боксертæй дарддæр турниры архайдзæн немыцаг спортсментæ дæр. Нæ хъомылгæнинæгтæ ныр дыккаг хатт архайынц ацы ерысты. Ивгъуыд аз нæ хъомылгæнинаг Ӕлборты Сослан ссис уæлахиздзау, ахæм æнтыстмæ æнхъæлмæ кæсæм Гурам æмæ Георгимæ дæр", — бамбарын кодта уый.

Гæджиты Гурам æмæ Къæбысты Георгий цæттæ кæнынц боксы скъолайы тренертæ Дзигойты Ацæмæз, Плиты Азæмæт, Чехойты Алан æмæ Кокойты Муратмæ.

Ног хабӕртты лентӕ
0